Bu gün Region Liqasının yeni mövsümünün püşkatması olacaq.

Deyilənə görə, bizi yenə maraqlı oyunlar gözləyir. 38 komandanın yarışacağı turnirdə yeni kollektivlər var. Bunlardan biri də “Xəzər Lənkəran 42”di.

Cənub təmsilçisi ilə bağlı maraqlı məlumat əldə etmişik. Sən demə, “Xəzər Lənkəran”ın sabiq rəhbərliyi yeni klubunun himayədarıdı. Söhbət Mais Mənsimovdan gedir. Mübariz Mənsimovun qardaşı “Xəzər Lənkəran 42”nin prezidenti olacaq. Funksioner klubu bərpa edib, yenidən formalaşdırmaq niyyətindədi. Lakin “ağ-yaşıllar”ın FİFA-ya borcu olduğu üçün adda kiçik dəyişiklik edilib. Lənkəranın avtomobil seriya nömrəsi - “42” əlavə olunub. Bununla belə, Mais Mənsimov çempionluğa oynayacaq heyət formalaşdırmaq istəyir. Bunun üçün sabiq futbolçularla danışıqlar başlayıb. Komandanın üzvlərinə normal maaş və mükafatlar veriləcəyi də qeyd olunur.

“Xəzər Lənkəran 42” ilə bağlı başqa maraqlı informasiya da əldə etmişik. Sən demə, ötən mövsüm Region Liqasında gümüş medal qazanan “Xan Lənkəran”ın prezidenti Pərviz Hüseynov sabiq futbolçularına ultimatum göndərib. O, şəxsi “instaqram” hesabında izləyiciləri ilə söhbətdə bu fikirləri səsləndirib: