Birvaxtlar ölkə futbolunda dəbi müəyyənləşdirən klublardan olan “Xəzər Lənkəran”ın sabiq prezidenti Mübariz Mənsimov dünən 54 yaşını tamamladı.

“Cənub mirvarisi” adına ən azı “Xəzər Lənkəran” qədər iddialı olan, Region Liqasında yarışan aparıcı klublardan "Xan Lənkəran"ın prezidenti Pərviz Hüseynov bu dəfə gündəmə fərqli şəkildə gəlib. Lənkəran təmsilçisinin rəhbəri şəxsi "instaqram" hesabında maraqlı paylaşım edib. Pərviz Hüseynov Mübariz Mənsimovun şəklini paylaşaraq "Ad günün mübarək, kapitan" yazıb.

Bəlkə də bununla Mübariz Mənsimova yaxınlığını bir daha ictimaiyyətə çatdırmaq istəyir. Amma maraqlıdı ki, təbrik rus və ingilis dillərindədi. Pərviz bəy nədənsə öz dilimizdə eyni sözləri yazmağa ehtiyac görməyib.