Kamran İsmayılov: "Komitənin qərarı tez çıxsaydı..."
Premyer-liqanın 9-cu turunda futbolçusu Rövşən Şahmuradovun formasının arxasında adı yazılmadığı üçün "Şamaxı" AFFA-nın İntizam Komitəsi tərəfindən 3 min manat cərimə edildi.
Dünən keçirilən 10-cu turun "Qəbələ" ilə matçında isə yenə eyni hal yaşandı. Bu dəfə də futbolçunun geyindiyi köynəyin arxasında adı yox idi. Bu səbəbdən İntizam Komitəsinin klubu yenə eyni məbləğdə cərimələyəcəyi şübhə doğurmur. Maraqlıdı, ilk cəza problemi aradan qaldırmaq üçün kifayət etmədi? Bu sualla klubun baş meneceri Kamran İsmayılova müraciət etdik. Onun "Football-plus.az" saytına açıqlaması belə oldu:"Əslində, bir az anlaşılmazlıq oldu. Orda yazılıb ki, premyer-liqada oynayan futbolçuların formasının arxasında adın yazılması şərtdi. Lakin 1-ci divizionda bu vacib deyil. Rövşən də "Şamaxı-2"nin heyətində çıxış edirdi. Ona görə bu anlaşılmazlıq baş verdi və futbolçu köynəyində adı yazılmadan oyunda iştirak etdi. O ki qaldı cəzadan sonra bir daha bu problemin yaşanmasına, məsələ burasındadı ki, İntizam Komitəsinin qərarları dünən, oyun günü açıqlandı. Ona görə bu qısa zamanda köynəyin arxasına adın yazılması mümkün olmadı. Lakin sözsüz ki, növbəti matçlarda belə.problem olmayacaq. Yəni, komitənin qərarı bir neçə gün tez çıxsaydı, təbii ki, problem aradan qaldırılacaqdı".
ŞAİR ABDULLA
Digər xəbərlər
