Deyəsən ''Tottenhem'' nəhayət öz stadionuna yeni sponsor tapmaq üzrədi.

İngiltərə mətbuatının yazdığına inansaq, klub prezidenti Daniel Levinin dünyanın ən məhşur şirkətlərindən olan ''Google'' ilə apardığı danışıqların uğurlu sonluqla bitmək ehtimalı çoxdu. ''Tottenhem'' bu sponsorluq anlaşmasından təxminən 455 milyon avro gəlir əldə etməyi planlaşdırır. Qeyd edək ki, stadion 2019-dan istifadəyə verilib. Amma Levinin bu nəhəng idman qurğusuna ''doğru marka ve uyğun para'' strategiyası ilə sponsor tapmaq cəhdləri uzun müddətdi bəhrə vermirdi. İnvestorlardan heç biri onun tələbləri ilə razılaşmırdı. Bu üzdən arena açıldığı gündən bu yana elə ''Tottenhem Hotspur Stedium'' adını daşıyırdı. Yeni anlaşmadan sonra stadionun adının dəyişəcəyi gözlənilir.

Qeyd edək ki, tikintisinə 1 milyard funt sterlinq xərclənilən stadion 62850 azarkeş tutumuna malikdi. Dünyanın ən yaxşı stadionlarından sayılan bu arenada ''Tottenhem''in oyunundan başqa reqbi və Amerika futbolu, boks qarşılaşmaları, eləcə də konsertlər keçirilir.