“Olimpiakos” Avropa Liqasının qrup mərhələsində “Qarabağ”la Bakıda keçiriləcək 4-cü tur matçında ilk xallarını qazanmaq niyyətindədi.

Football-plus.az xəbər verir ki, Yunanıstan mətbuatı bunun üçün baş məşqçi Miçel Qonsaes superliqanın 7-ci turunda OFİ ilə matçdan sonra futbolçularla söhbətlər apardığını yazır.

İspaniyalı mütəxəssis 2:1 hesabı ilə qalib gəldikləri görüşün ardından bu uğurlu seriyanı davam etdirməyin vacibliyini vurğulayıb. Miçel “Qarabağ”la qarşılaşmanı nəzərdə tutaraq, yetirmələrinə deyib ki, böyük nəticələr əldə etmək, kim olduğumuzu göstərmək vaxtıdı.

Həmçinin təcrübəli müdafiəçi Sokratis Papastatopulos da komanda yoldaşlarını bir araya yığaraq, onlarla psixoloji söhbət aparıb, komandasını Bakı səfərinə kökləyib.

Qeyd edək ki, oktyabrın 13-də Tofiq Bəhramov adına Respublika Stadionunda keçiriləcək “Qarabağ” – “Olimpiakos” oyunu saat 20.45-də başlayacaq.