Görünür, Erlinq Holannın “Mançester Siti”də qolları sıralaması digər komandaların tərəfdarlarında qıcıq doğurur. Belə olmasaydı, onun əleyhinə qəribə kampaniyaya start verilməzdi.

Kampaniya ingiltərəli azarkeşlər tərəfindən təşkil olunub. Onlar bu vasitə ilə 22 yaşlı hücumçunun premyer-liqada oynamasına qadağa qoyulmasını istəyiblər. Kampaniyaya artıq 2 milyondan çox azarkeş qatılıb. Fanatlar hətta Böyük Britaniya parlamentinə rəsmi petisiya göndərərək yazılı müraciətdə “Holanna qadağa qoyun, o robotdu” yazıblar.

Qeyd edək ki, Erlinq premyer-liqada meydana çıxdığı 8 matçda 14 qol vurub və 3 məhsuldar ötürmə edib.