Bilindiyi kimi ötən bazar günü Türkiyə çempionatında mövsümün ilk İstanbul derbisi baş tutdu.

"Football-plus.az" xəbər verir ki, ''Beşiktaş''la ''Fənərbaxça''nın dueli qolsuz başa çatdı. Bu arada derbidə topun oyunda qaldığı müddət açıqlanıb. Məlum olub ki, 38 qayda pozuntusunun qeydə alındığı və tez-tez fasilələrin yarandığı qarşılaşmada topun oyunda qaldığı müddət cəmi 47 dəqiqəyə bərabər olub. Yəni 90 dəqiqənin 43 dəqiqəsində oyun dayanıb! Müqayisə üçün deyək ki, 9 qolun vurulduğu son Mançester derbisində cəmi 12 qayda pozuntusu qeydə alınmışdı.

Ümumiyyətlə, fasilələrin çox olması, oyunçuların tez-tez özlərini yerə atması və oyunun tez-tez dayanması Türkiyə futbolunun əsas bəlalarından biridi. Hətta 7-ci turda baş tutan ''Trabzonspor'' – ''Qaziantep'' qarşılaşmasında (3:2) topun yalnız 33 dəqiqə 57 saniyə oyunda qaldığı üzə çıxmışdı. Yəni 90 dəqiqəlik bir qarşılaşmanın 56 dəqiqəsində oyun dayanmışdı. Türkiyəli həmkarlarımızın iddiasına görə bu, dünya futbolunun antirekordudu. Amma bununla bağlı rəsmi bir məlumat yoxdu.