"Footbal-plus.az" xəbər verir ki, türk yarımmüdafiəçi oyundakı yeganə qolun müəllifi olub. UEFA-nın texniki qrupunun rəyinə əsasən, o, görüşün ən yaxşı futbolçusu seçilib.
Matçdan sonra UEFA-nın saytına danışan Hakan deyib:
“Bu gün istədiyimiz kimi oynadıq. Biz öz gücümüzü bütün mövqelərdə göstərdik. Biz həmişə baş məşqçinin yanındayıq (istefası gündəmdə olan Simone İnzagi nəzərdə tutulur - red.). O gördü ki, onun üçün mübarizə aparan bir komanda var. Bu gün hər kəs həm özü, həm də məşqçisi naminə oynadı. Bu yanaşma qələbənin açarı oldu”.
