Yığma oyunlarına görə yaranan fasilə başa çatdı.

Bu gün Misli premyer-liqasında 8-ci turun oyunları start götürüb. İlk gündə bir qarşılaşma keçirilib. “Səbail” “Qəbələ”ni qəbul edib.

Misli premyer-liqası

1-ci dövrə, 8-ci tur
30 sentyabr
Səbail - Qəbələ 1:2
Qollar: Ağabala Ramazanov, 61 (p.) - İsnik Alimi, 54 (p.), Ülvi İsgəndərov, 90
Qırmızı vərəqə: Qustavo de Fransa, 44
“Səbail”in bu rəqiblə ev oyunlarının balansı: 10:+5=2-3, 14-12.
2017/18 - 1:3, 2:1; 2018/19 - 0:0, 2:1; 2019/20 - 1:1, 3:1; 2020/21 - 1:3, 1:0; 2021/22 - 0:2, 3:0.
Cəzalı: Rövlan Muradov (Qəbələ).
“Futbol+”in proqnozu: 30-30-40.
AFFA nümayəndəsi: Aslan Şahgəldiyev.
Bakı. “ASCO Arena”. Saat 19.00

“Səbail”in 7 tur ərzində 5 xal toplaması sürpriz sayıla bilər. Çünki mövsümdən əvvəl “dənizçilər”in ddialı olacağı deyilirdi. Lakin komandanın cəmi 1 qələbə qazanıb, 2 heç-heçə etməsi, 4 görüşdə isə uduzması gözləntilərin üstündən xətt çəkdi. Mahmud Qurbanov hələ ki oturuşmuş heyət formalaşdıra bilməyib. Komanda açıq futbol sərgiləsə də, müdafiədə çox boşluq verir. Yəqin milli komanda üçün ayrılan fasilədə gənc mütəxəssis bu problemi aradan qaldırmağa çalışıb. Bayıl təmsilçisi oyunun favoriti deyil. Amma doğma meydan amili nəticəyə təsir edə bilər. “Qəbələ”də isə vəziyyət yaxşıdı. Bölgə təmsilçisi 7 görüşün 4-də qələbə qazanıb. Hesabında 12 xal olan “qırmızı-qaralar” bu qarşılaşmanın da favoritidi. Növbəti turda “Qarabağ”la üz-üzə gələcək “Qəbələ” dövrənin son oyunundan öncə ilk “4-lük”dən qopmamaq üçün bu matçda qələbə qazanmalıdı.
Komandalar Azərbaycan çempionatlarında 19 dəfə üz-üzə gəlib. Bu görüşlərin 5-də “dənizçilər”, 9-da “qırmızı-qaralar” qələbə qazanıbsa, 5-də qalib müəyyənləşməyib. Topların nisbətində də “Qəbələ” öndədi - 33:19. Komandalar arasında keçirilən qarşılaşmalarda ən çox qol vuran futbolçu Baqali Dabodu. “Qəbələ”nin sabiq fransalısı “Səbail”i 6 dəfə məyus edib.

1. Qarabağ 6 6 0 0 21-5 18
2. Neftçi 7 6 0 1 16-6 18
3. Sabah 7 5 1 1 16-7 16
4. Qəbələ 7 4 0 3 11-7 12
5. Turan Tovuz 6 3 1 2 5-5 10
6. Zirə 7 3 1 3 9-15 10
7. Səbail 7 1 2 4 7-10 5
8. Kəpəz 7 1 0 6 6-18 3
9. Sumqayıt 7 0 3 4 1-10 3
10. Şamaxı 7 0 2 5 4-13 2

Bombardirlər: Ramil Şeydayev, Musa Qurbanlı (hər ikisi "Qarabağ") – 7.