“Sabah” və “Neftçi”dən qələbə - YENİLƏNİB
Sabah Misli premyer-liqasının 7-cı turuna iki oyunla start verilib.
“Sabah” “Turan Tovuz”u, “Səbail” isə “Neftçi”ni qəbul edib. Hər iki matçı “CBC Sport” canlı yayınlanıb.
Bildiyiniz kimi, sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan - Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilib. Nəticədə Azərbaycan ordusunun 50 hərbi qulluqçusu şəhid olub. Bu səbəbdən də 1-ci divizionun 4-cü turunun və Misli premyer-liqasının 7-ci turunun oyunlarında birdəqiqəlik sükutun elan olunması barədə qərar qəbul edilib.
Misli premyer-liqası
1-ci dövrə, 7-ci tur
16 sentyabr
Sabah - Turan Tovuz 3:1
Qollar: Davit Volkov, 15, Coy Lens Mikels, 34, Elvin Camalov, 90+6 (p.) - Runi Eva, 81
“Sabah”ın bu rəqiblə ev oyunlarının balansı: indiyə kimi qarşılaşmayıblar.
Cəzalı: Abdullaye Ba (Sabah).
“Futbol+”in proqnozu: 40-30-30.
AFFA nümayəndəsi: Eldəniz Musayev.
Bakı. “Bank Respublika Arena”. Saat 18.00
Turun açılış görüşü maraqla gözlənilir. Ötən həftə gərgin oyunda “Qarabağ”a uduzmaqla liderliyi əldən verən “Sabah” mövsümün süpriz komandalarından sayılan “Turan Tovuz”u qəbul edəcək. “Bayquşlar” bu görüşün favoritidi. Amma təbii ki, “boz qurdlar” güclü rəqibə asan təslim olmayacaq. Ayxan Abbasovun rəhbərlik etdiyi kollektiv bakılılara süpriz də edə bilər. Murad Musayevin cəzalı olduğu görüşdə “Sabah” qələbə qazanıb liderlər qrupundan qopmamağa çalışacaq. Tovuzlular isə Bakı təmsilçisi ilə görüşdə 4-cü pillədə təsadüfən qərarlaşmadığını göstərmək niyyətindədi.
Səbail - Neftçi 0:2
Qollar: Emin Mahmudov, 53, Gilyerme Pato, 83
“Səbail”in bu rəqiblə ev oyunlarının balansı: 9:+1=2-6, 6-19.
2017/18 - 1:0, 0:4; 2018/19 - 1:2, 2:2; 2019/20 - 0:0; 2020/21 - 1:3, 0:4; 2021/22 - 1:3, 0:1.
Cəzalı: Tural Bayramlı (Səbail).
“Futbol+”in proqnozu: 30-30-40.
AFFA nümayəndəsi: Elgiz Abbasov.
Bakı. “ASCO Arena”. Saat 20.30.
“Neftşi”ni derbinin favoriti saymaq mümkündü. Laurentsiu Regekampfın komandası çempionatda cəmi 1 oyunda məğlub olub. Və bu matçda da qələbə qazanaraq liderliyə yüksəlmək niyyətindədi. “Səbail”də isə işlər qaydasında getmir. Mövsümün əvvəlində komandanın avrokuboklara iddia edəcəyi gözlənilirdi. Düzdü, hesabına 5 xal yazdıran “dənizçilər” sonradan toparlana bilər. Bunun üçün “Neftçi” məğlub edilməlidi.
Bu görüş Mahmud Qurbanov üçün xüsusi əhəmiyyət daşıyır. Gəncəli mütəxəssis ötən mövsüm “Neftçi-2”ni çalışdırırdı. Ümumiyyətlə, indiyə kimi Azərbaycan çempionatlarında bu rəqiblərin iştirakı ilə 19 derbi keçirilib. Bu görüşlərin 14-də flaqman, 2-də “dənizçilər” qalib gəlibsə, 3-də heç-heçə qeydə alınıb. Topların nisbətində də “ağ-qaralar” öndədi - 41:11. Derbilərdə ən çox fərqlənən futbolçu Namik Ələskərovdu. Hazırda “Sabah”ın şərəfini qoruyan yarımmüdafiəçi “Səbail”i 5 dəfə məyus edib.
1. Qarabağ 5 5 0 0 14-4 15
2. Neftçi 6 5 0 1 14-6 15
3. Sabah 6 4 1 1 13-6 13
4. Turan Tovuz 5 3 1 1 4-2 10
5. Zirə 6 3 1 2 8-8 10
6. Qəbələ 6 3 0 3 10-7 9
7. Səbail 6 1 2 3 7-8 5
8. Sumqayıt 6 0 3 3 1-9 3
9. Şamaxı 6 0 2 4 3-11 2
10. Kəpəz 6 0 0 6 4-17 0
