Daha çox “Çelsi”dəki çıxışı ilə tanınan Con Obi Mikel karyerasını başa vurub.

Football-plus.az xəbər verir ki, 35 yaşlı yarımmüdafiəçi bu qərarına sosial şəbəkə hesabında aydınlıq gətirib.

O, futbolçu həyatını “Lyun” (2004-06), “Çelsi” (2006-17), “Tyantszin TEDA” (2017-18), “Midlsbro” (2019), “Trabzonspor” (2019-20), “Stok Siti” (2020-21) və “Küveyt SK”da (2021) keçirib. Nigeriya millisində 91 oyuna 6 qol vurub.

Andrea Ranokkya da karyerası ilə bağlı vacib qərar verib. O, 34 yaşında futbolçu həyatını başa vurmağı lazım bilib. Ranokkya bu yay azad agent kimi sıralarına qoşulduğu “Montsa” ilə müqaviləsini pozub. Bu komandada A seriyasında yalnız bir oyun keçirən müdafiəçi karyerası ərzində “Aretso”, “Bari”, “İnter”, “Cenoa”, “Sampdoriya” və “Hall Siti”nin də formasını geyib. “İnter”lə İtaliya çempionluğunu, ölkə superkubokunu və iki dəfə ölkə kubokunu qazanıb. Andrea İtaliya yığmasında 2010-16-cı illərdə 21 oyun keçirib.