Kolarov 36 yaşında qərar verdi
Aleksandar Kolarov peşəkar karyerası ilə bağlı qərar verib. O, yaşıl meydandakı çıxışını başa vurub.
Müdafiəçi Serbiya mətbuatına bu haqda özü açıqlama verib. “İnter”in sol cinah müdafiəçisi 36 yaşında peşəkar futbolla vidalaşmasını belə izah edib:
“Bu anın gec-tez yetişəcəyini bilirdim. Həyatımın bu səhifəsini çevirdiyim üçün təəssüflənirəm. Amma eyni zamanda futbolda çox şeyə nail olduğum üçün sevinirəm”.
Aleksandar karyerası ərzində “Çukariçki” (2004-06), OFK (2006-07), “Latsio” (2007-10), “Mançester Siti” (2010-17) və “Roma” (2017-20) klublarında da oynayıb. Təcrübəli futbolçu “İnter”də 2020-ci ilin yayından çıxış edirdi. Onun Serbiya millisində 2008-20-ci illərdə 94 oyun keçirib 11 qol vurduğunu da bildirək.
