Monako “Qran-pri”si “Formula-1” üzrə dünya çempionatının təqvimində qalmaq üçün bəzi imtiyazlarından imtina etməli olacaq.

"Football-plus.az" xəbər verir ki, Monako və “Formula-1” rəhbərliyi, nəhayət, ortaq məxrəcə gəlib. Yeni müqavilədən sonra Monako yarışı mayın 25-28-i aralığında keçiriləcək.

Yeni müqavlədən sonra Monako televiziya yayınına görə məsul olmayacaq və trassa istədiyi sponsorları yerləşdirməyəcək. Məsələn, əvvəlki illərdə “Rolex”in “Formula-1”in saat sponsoru olmasına baxmayaraq, trass rəhbərliyi “Tag Heuer”in reklamlarını yerləşdirirdi. Belədə ortaya qəribə mənzərə çıxırdı.

Bu qərarlardan sonra Monako yarışının təşkilatçıları bilet qiymətini də 30 faiz artıracaq. Artıq tək kateqoriyada bilet olacaq və qiymətlər çox bahalaşacaq.