Bakıda yeni akademiya fəaliyyətə başlayacaq
Bu gün istər bakıda, istərsə də ölknin başqa rayon və şəhərlərində ödənişli əsasda müxtəlif futbol məktəbləri fəaliyyət göstərir.
Onların arasında ölkə futboluna fayda verəni də var, yalnız öz cibini düşünüb uşaqlaıa və valideynləri aldadanlar da. Ancaq fırıldaqla məşqğul olanların aqibəti heç də yaxşı alınmır. Uzağı bir neçə aydan sonra artıq hamı onların nə məqsədlə açıldığını başa düşür və oradan uzaqlaşırlar.
Bu günlərdə Bakıda daha bir akademiyanın açılacağı barədə “Football-plus.az” saytına məlumat daxil oldu. Maraqlandıq və məlum oldu ki, sözügedən akademiya İspaniyada fəaliyyət göstərən “Antiguoko”nun filialı olacaq və akademiayaya Zamin Əsədov rəhbərlik edəcək. Zamin bəylə əlaqə saxlayıb yeni layihə ilə bağlı fikirlərini öyrəndik:
“Pademiyadan əvvəl məni İspaniyaya dəvət etmişdilər. Səfər zamanı Bilbao “Atletik”inin idman direktoru Rafael Alkorta ilə görüşdüm, onların iş prinsipləri ilə tanış oldum. Ondan başqa “Real Sosyedad”ın düşərgəsinə baş çəkdim. Klubun B komandasının baş məşqçisi, tanınmış futbolçu Xavi Alonso tanış olduq. Akademiyanın iş prinsipi ilə maraqlandım. Orda gördüklərimdən sonra düşündüm ki, ispan modelini Azərbaycanda tətbiq etmək mümkündü. Ölkəmizdə çox saylı akademiyalar olsada, bəlli sistem, struktur formalaşmayıb. Mənim orda diqqətimi çəkən “Antiguoko Futbol Akademiya”sı oldu. Adını qeyd etdiyim akademiya 1982-ci ildən fəaliyyət göstərir. Oranın yetirmələri kimi hazırda London “Arsenal”ının baş məşqçisi Mikael Arteta, Xavi Alonso, “Rayo Valekano”nun çalışdırıcısı Andoni İraolanın adını çəkə bilərəm. Bu gün də akademiyanın bir çox yetirmələri la liqada çıxış edirlər. “Antiguoko” əsasən Bask təmsilçisləri - Bilbao “Atletiko”su və “Real Sosyedad” üçün futbolçu yetişdirməklə məşğuldu. Orda gördüklərimdən sonra qərara gəldim ki, onlarla işləyək. Bir müddət davam edən danışıqlardan sonra müqavilə bağladıq. Müqavilə əsasında yaxınlarda Bakıda “Antiguoko Futbol Akademiyası”nın filialı açılacaq".
Zamin bəy yeni açılacaq akademiyanın özəlliyindən də danışdı: “Bizim akademiyada məşqlərlə yanaşı, həftədə bir dəfə həm uşaqlar, həm də məşqçilər üçün ingilis dili kursları təşkil olunacaq. Bundan başqa məntiq və psixologiya ilə bağlı dərslər keçiriləcək. Bunlar hamısı futbolçu üçün lazım olan predmetlərdi. Tez düşünmək, ani vəziyyətdə qərar vermək müasir futbolun vacib elementlərindəndi. Daha bir özəlliyimiz futbolçularımızın İspaniyaya birbaşa çıxışının olmasıdı ki, bundan da maksimum yararlanacağıq. Daim bizim komandaların İspaniyaya səfərləri olacaq”.
Əsədov bizimlə söhbətdə akademiyanın iş prinsiplərinə də toxundu: “Akademiyanın hazırlıq qrupları ödənişlidi, əsas qrup isə pulsuz olacaq. Şəhid və qazi övladları üçün də məşqlər ödənişsiz keçiriləcək. Biz gənc və savadlı məşqçiləri də akademiyamıza dəvət edirik. Lisenziyası olan məşqçiləri işlə təmin edə bilərik”.
RƏŞAD
Digər xəbərlər
