''Aston Villa''nın tanınmış braziliyalı yarımmüdafiəçisi Filippe Koutinyo ''Beşiktaş''da çıxış edən həmyerlisi Jozef de Souzaya dəstək verib.

Bilindiyi kimi Souza Türkiyə çempionatının son turunda ''Ankaragücü'' ilə oyundan sonra birmənalı qarşılanmayan qırmızı vərəqə almışdı. ''Ankaragücü'' fanatlarından biri final fitindən sonra meydana çıxaraq ''Beşiktaş''lılara xəsarət yetirməyə çalışmışdı. Souza isə həmin azarkeşi tutaraq sakitləşdirməyə çalışmış və qırmızı vərəqə almışdı. Koutinyo yaxın dostu olan Souzanın bu olay ilə bağlı açıqlamalarını öz ''instaqram'' səhifəsinin hekayə bölümündə paylaşaraq ona dəstək nümayiş etdirib. Koutinyo daha öncə də bir neçə dəfə Souza ilə bağlı paylaşımlar etmişdi.