Tərkibinə dördqat MBA çempionu Lebron Ceymsin də daxil olduğu, Los-Ancelesdə yerləşən “Main Street Advisors” investisiya fondu dünyaca məşhur “Milan” futbol klubunun sahibi olacaq.

Bir neçə gün əvvəl Amerikanın “RedBird Capital Partners” investisiya fondunun İtaliya klubunun yeni sahibinə çevrilməsi haqda xəbər yayılıb. Bu fond klubu indiyəqədərki sahibindən - “Elliott Management”dən 1,2 milyard avroya alıb.

“RedBird” bu gün yeni tərəfdaşlarının adını açıqlayacaq ki, onlardan birinin Lebronun fondu olacağı gözlənilir. “Elliott Management” isə “Milan”a 2018-də yiyələnmişdi.

Xatırladaq ki, bu klub İtaliyanın 19 qat çempionu, Çempionlar Liqasının 7 qat qalibidi.