Səsvermə nəticəsində “Qəbələ”nin prezidenti Fariz Nəcəfov qurumun rəhbəri seçildi. Lakin diqqətimizi çəkən bir məqam var. İctimaiyyət bu haqda toplantı başa çatandan sonra xəbər tutdu. Halbuki əvvəlki iclaslar zamanı AFFA-nın rəsmi saytı bununla bağlı informasiyanı ictimaiyyətlə bölüşürdü. Bu dəfə isə belə olmadı. Səbəb nədi? İclas nə üçün gizli keçirildi?
Sualımızı AFFA-nın Məbuat və İctimaiyyətlə Əlaqələr Departamentinin rəhbəri Firuz Abdullaya ünvanladıq. Onun “Football-plus.az” saytına açıqlaması belə oldu:
“Tədbirlər keçiriləndə medianın iştirakı nəzərdə tutulursa, əvvəlcədən məlumat veririk. Lakin buna ehtiyac duyulmursa, hansısa informasiyanı ictimaiyyətlə bölüşmürük”.
İLKİN SULTANLI