TMZ portalı məhkəmədə Ueyn Qretskiyə qarşı 10 milyon dollarlıq iddianın qaldırıldığını xəbər verib.

Football-plus.az xəbər verir ki, saytın əlindəki sənədlərə görə, iddiaçı Stiven Sparksın məhkəməyə üz tutmasına Qretskinin guya arıqlamaq üçün saqqız haqqındakı yalan fikirləri səbəb olub. Sparks bəyan edir ki, çəki azaltmaq üçün təbii saqqız yaradıb və hokkeyçinin xanımı Canetə məhsulun reklamı üçün pul verib. İddiaçı belə düşünür ki, ünlü hokkeyçinin saqqızın sayəsində iki ay ərzində 16 kq çəki atdığını deməsi biznesini iflasa uğradıb.

Sparks onu da iddia edir ki, Qretski ailəsi məhsuluna məxfi şəkildə investisiya qoyub. Daha doğrusu, ailə ünlü hokkeyçinin sözlərindən sonra şirkətin qiyməti kəskin artan səhmlərini başqa adla alıb. İdmançının fikirlərinin yalan olduğu bilənəndən sonra şirkətin dəyəri kəskin şəkildə aşağı düşüb və Sparks 10 milyon dollar itirib. İndi iddiaçı itirdiyi pulu qaytarmaq istəyir.

Xatırladaq ki, Ueyn Qretski MHL tarixinin ən yaxşı bombardiri və snayperidi. 4 dəfə Stenli kubokunu qazanıb, karyerasını bitirəndən sonra MHL-in Şöhrət salonuna daxil olub.