Roman Abramoviçin “Çelsi”ni satmasından sonra Tomas Tuxelin komandadan ayrılacağı ehtimalı ortaya çıxmışdı. Lakin artıq bu ehtimal tamamilə mənasız proqnoza çevrilib.

Ona görə ki, klubun yeni rəhbərliyi baş məşqçi ilə əməkdaşlıqdan məmnundu. “The Sun” nəşrinin məlumatına görə, London klubu alman mütəxəssislə müqaviləni yeniləmək istəyir. Rəhbərlik Tuxelə 4 illik yeni sözləşmə təklif edib. Artıq tərəflərin danışıqlara başladığı da məlum olub.
Tuxel “Çelsi”ni 2021-ci ilin yanvarından çalışdırır. 48 yaşlı məşqçinin hazırkı müqaviləsinin müddəti 2024-cü ilin iyununa qədərdi.