Misli premyer-liqasının 2-ci turunda qapılara 18 qol vurulub.

"Footbal-plus.az" PFL-ə istinadən xəbər verur ki, “Neftçi” – “Kəpəz” (5:2) oyununda 7, “Zirə” – “Sabah” (1:3) və “Qəbələ” – “Şamaxı” (3:1) matçlarında 4, “Sumqayıt” – “Qarabağ” (0:2) görüşündə 2, “Səbail” – “Turan Tovuz” (0:1) qarşılaşmasında 1 qol qeydə alınıb. Turun orta məhsuldarlığı 3,60-a bərabərdi.

Bu, 2022-ci ilin rekordudu. Daha yüksək məhsuldarlığa sonuncu dəfə ötən mövsümün X turunda təsadüf olunub. Keçən il noyabrın 6-7-dəki dörd görüşdə 17 top vurulub. Orta məhsuldarlıq 4,25-ə bərabər olub.