Yeni mövsüm həm də yeni və maraqlı hadisələr deməkdi. Baş məşqçilərin dəyişməsi, çoxlu transfer və debütlər..

Liqa 1 də belə tendensiyalardan kənarda deyil. Kristof Qaltyenin PSJ-si Superkubok oyunundakı inamlı qələbədən sonra çempionatda da özünü göstərdi. Parislilərin “Klermon”un qapısından 5 cavabsız top keçirdiyi oyunda Neymar – Messi tandemi parladı. “Monako” qeyri-adi dərəcədə dramatik matçda “Strasbur”u üstələdi. İqor Tudor da “Marsel”in baş məşqçi postunda böyükhesablı qələbə ilə debüt etdi. Qaltye və Tudor kimi, Paulo Fonsekanın da debütü uğurlu oldu. Onun “Lill”i “Oser”i darmadağın etdi. Qapıçısı Lopeş 27-ci dəqiqədə meydandan qovulandan sonra azlıqda oynamalı olan “Lion” “Ayaçço” ilə oyunda qələbəni qorudusa, “Nitsa” yeni oyunçusu Remzinin sayəsində məğlubiyyətdən qurtuldu. “Renn”in gözlənilməz məğlubiyyətini, “Lans”la “Monpelye”nin məhsuldar qələbələrini də qeyd etməliyik. Turun yalnız “Anje” – “Nant” oyununda qapılara qol vurulmadı.

Fakt
Uorren Zair-Emeri PSJ tarixinə ən gənc oyunçu kimi düşdü. 82-ci dəqiqədə meydana çıxan yarımmüdafiəçi debüt anında 16 yaş 151 günlük idi. Zair-Emeri Fransanın U-17 yığmasının heyətində builki Avropa çempionatının qalibi olub, həmin turnirdə keçirdiyi 5 oyunda 2 qol vurub.

Turun rəqəmi
4 – Neymar “Klermon”la oyunda “qol+ötürmə” sistemi üzrə bu qədər xal topladı. Özü fərqləndi və üç məhsuldar ötürmə verdi. Braziliyalının Superkubok oyununda da dubl etdiyini nəzərə alsaq, məhsuldarlığı göz oxşayır.

Turun ulduzu
Florian Sotoka (Lans) – 27-ci dəqiqədə hesabı açan təcrübəli hücumçu 33-cü dəqiqədə penaltini qaçırsa da, bundan sınmadı və 2-ci hissədə daha iki qol vurdu. 76-cı dəqiqədə əvəzlənməsəydi, poker də edə bilərdi. Hər halda, ötən mövsüm keçirdiyi 35 oyunda cəmi 6 qol vuran birisi üçün elə ilk turda het-trik böyük uğurdu.

Turun sitatı
Kristof Qaltye, PSJ-nin baş məşqçisi: