Memfis Depayın “Barselona”dakı karyerası yalnız bir mövsümü əhatə edəcək. Son xəbərlərdə onun bu komandadan ayrılmağa razılaşdığı qeyd edilir.

Niderlandlı hücumçu rəhbərliyin və məşqçi korpusunun ona etimad göstərməməsini nəzərə almalı olub. 28 yaşlı Memfisin İtaliyaya üz tutmaq ehtimalı səslənir. İddiaya görə, “Yuventus” rəhbərliyi onu əvvəlcə birilliyə icarəyə götürməyi, transfer hüququna gələn yay sahib olmağı planlaşdırır.

Neto da “Barselona”dan ayrılmağa hazırlaşır. “Sky Sports”un məlumatına görə, 33 yaşlı qapıçı “Bornmut”a keçəcək. İngilltərə klubu “Barselona” ilə əlcək sahibinin transferi üçün razılığa gəlib. Dünən Neto tibbi müayinədən keçmək üçün Böyük Britaniyaya gəlməli idi. Səhhətində problem aşkarlanmasa, “Bornmut”la birillik müqavilə imzalayacaq. Qeyd edək ki, Neto “Barselona”ya 2019-cu ilin yayında “Valensiya”dan keçib. Braziliyalı futbolçu Kataloniya klubunda keçirdiyi üç mövsümdə 21 oyuna çıxıb və 20 qol buraxıb.