Mane və De Liqt dünya səviyyəsində ulduz deyil?
''Bavariya''nın sabiq icraçı direktoru Karl-Haynts Rummenigge komandanın bu yay həyata keçirdiyi 2 önəmli transfer barədə tənqidi fikirlər səsləndirib.
Bilindiyi kimi Münhen nəhəngi 32 milyon avroya ''Liverpul''dan Sadio Maneni və 67 milyon avroya ''Yuventus''dan Mattiys de Liqti transfer edib. İdman direktoru Hasan Salihamiciçin nə üçün bu qədər tərifləndiyini anlamadığını deyən Rummenigge Mane ilə De Liqti top-səviyyəli futbolçu hesab etmədiyini bildirib: ''İnsanların son transferlərin ardından Salihamiciçə bu qədər təriflər yağdırmasını anlamıram. Mən şəxsən sevinməyə tələsmirəm. Mane və De Liqtə böyük hörmətim olsa da, mənim üçün onlar dünya səviyyəli ulduz deyillər! Mane bundesliqada bəlkə də yaxşı oynayacaq və öz qollarını vuracaq. Amma onun artıq 30 yaşı var. Top-səviyyədə olduğunu da düşünmürəm. Belə olmasaydı Yürgen Klopp bu qədər asanlıqla onu əldən verməzdi. De Liqtə qarşı şübhələrim isə daha çoxdu. Düzdü, cəmi 22 yaşı var. Amma ''Yuventus''da keçirdiyi üçillik dönəmi boşuna itirilmiş zaman saymaq olar. Karyerasının əvvəlində ''Ayaks''da əla oyun sərgiləsə də, sonradan inkişafı dayandı. İndidən onu müdafiənin lideri adlandırmaq qətiyyən düzgün deyil. De Liqt və Manenin keçidlərinin kölgəsində qalan Mazrauinin transferini daha çox bəyəndim. O mənə PSJ-dəki Əşrəf Hakimini xatırladır. Mazrauinin sağ cinahda ''Bavariya''ya böyük faydası dəyəcək''.
Digər xəbərlər
