Takefusa Kubo yeni mövsümdə də “Real”ın formasında görünməyəcək.

"Football-plus.az" xəbər verir ki, İspaniya çempionu gənc futbolçu ilə yolları bu dəfə birdəfəlik ayırıb.

Yapon idmançı karyerasını yenə La Liqada davam etdirəcək. O, tibbi müayinədən problemsiz keçdikdən sonra “Real Sosyedad”la 5 illik müqavilə imzalayacaq. San Sebastyan klubu bu transfer üçün 6,5 milyon avro ödəyəcək.

Takefusa müqavilə ilə “Real”a 2019-cu ildən məxsusdu. Maraqlıdı ki, ötən üç ildə bu komandanın formasında İspaniya çempionatında bir dəfə də görünməyib. Bu müddətdə icarə əsasında “Malyorka”, “Vilyarreal” və “Xetafe”də çıxış edib.