“Qarabağ”ın yarımmüdafiəçisi Filip Ozobiç Xorvatiya mətbuatına açıqlama verib.

Football-plus.az xəbər verir ki, 31 yaşlı futbolçu avrokuboklardakı hədəflərindən danışıb:

“Hazırkı minimum planımız UEFA miqyaslı istənilən turnirin qrup mərhələsinə vəsiqə qazanmaqdı. Lakin bu turnirin Çempionlar Liqasının olmasını istədiyimiz aydındı. “Qarabağ” burda bir mövsüm oynayıb. Bu, mənim komandaya gəlişimdən əvvəl baş verib. Özüm də əvvəllər Rusiya “Spartak”ında olanda Çempionlar Liqasında oynamışam. Həmin vaxt 18 yaşım var idi. Amma arzumu komandanın əsas oyunçularından biri kimi həyata keçirmək istəyirəm”.

Klubla müqaviləsi bu mövsümün sonunda başa çatacaq Ozobiç gələcək taleyi barədə danışmağın tez olduğunu diqqətə çatdırıb:

“Hələlik sağlamam və qalan hər şey tədricən gələcək. “Böyük beşlik”də özümü sınamaq istərdim, amma “Qarabağ”ın mənə uyğun olduğunu da bildirməliyəm. Bir ildən sonra nələrin olacağını demək hələlik tezdi”.