"Belə olmamalı idi" - "Lex"in kapitanı
“Lex”in futbolçusu Radoslav Muravski Çempionlar Liqasının 1-ci təsnifat mərhələsinin “Qarabağ”la cavab oyunu haqda fikirlərini bildirib.
Football-plus.az xəbər verir ki, yarımmüdafiəçi 1:5 hesabıyla uduzduqları görüşü şərh edib:“Bakıya gələndə bilirdik ki, keyfiyyətli komanda ilə qarşılaşacağıq. Rəqibin üstün oynayacağı əvvəldən bəlli idi. İlk dəqiqədə vurduğumuz qolla göstərdik ki, müdafiə olunmağa gəlməmişik. İkinci hissədə nəzarəti itirdik. Düzgün ötürmə edə bilmir, səhvlərə yol verirdik. Bu, çox pisdi. 1:5-i biabırçılıq adlandırmaq olar. Təəssüf. Belə olmamalı idi”.
