“Çox danışmaq istəmirəm, ağır məğlubiyyət oldu”.

"Football-plus.az" xəbər verir ki, bu sözləri “Qəbələ”nin baş məşqçisi Elmar Baxşıyev Azərbaycan kubokunun yarımfinal mərhələsində “Qarabağ”la cavab oyunu barədə danışarkən deyib.

Öz meydanında 1:3 hesabı ilə uduzan “qırmızı-qaralar” səfərdə də böyük hesabla yenilərək (0:5) mübarizəni dayandırıb.

Baxşıyev matçın ardından komandasının çıxışını dəyərləndirib:

“Müəyyən səbəblər var, onları müzakirə etmək istəmirəm. Əlbəttə, maddi məsələni burada müzakirəyə çıxarmaq istəmirəm. Bu durum da bizi çox sıxır. İnanıram ki, hər şey yoluna qoyulacaq və toparlanaraq, ən yaxşısını edə biləcəyik. Kiminsə fikrini müzakirə etmək istəmirəm. 15-16 futbolçudan ibarət heyətimiz var. Onların zədəli-cəzalı olması oyunumuza təsir edir. İnanıram ki, bütün gücümüzü ortaya qoyaraq çempionatı başa çatdıra biləcəyik”.[quote][/quote]