''Qalatasaray''ın transfer hədəflərindən biri olan ''Benfika''lı Joao Mario ilə bağlı maraqlı xəbər yayılıb.

Təcrübəli futbolçunun İstanbul nəhəngi ilə danışıqlar apardığı iddia edilmişdi. Bu arada Portuqaliyanın ''Rekord'' nəşrinin yazdığına inansaq, Joao Mario bu şaiyələrin yayılmasının ardından ''Benfika''nın prezidenti Rui Koşta tərəfindən sürpriz şəkildə klubun bazasına çağırılıb. Ötənlərin məhşur futbolçularından olan Koşta sözün əsil mənasında haqq-hesab aparmaq və bu şaiyələrin nə dərəcədə ciddi olduğunu aydınlaşdırmaq üçün futbolçusu ilə təcili görüş keçirib.

Amma 29 yaşlı futbolçu bu iddiaların reallığı əks etdirmədiyini deyib. O, özünün və menecerinin ''Qalatasaray''ın heç bir rəsmisi ilə görüşmədiyini vurğulayıb. Rui Koştanın bu addımı yerli mətbuatda futbolçuya qarşı hörmətsizlik kimi qələmə verilib. Çünki Joao Mario da digər futbolçular kimi hələ tətildədi. ''Benfika'' hələ yeni mövsümün hazırlığına başlamayıb. İkincisi də Mario toyunun ertəsi günü bazaya dəvət olundu. Üstəlik ikili arasında görüşdə gərgin anlar da yaşandı. Qeyd edək ki, Portuqaliyanın heyətində AÇ-2016-nın qalibi olan təcrübəli yarımmüdafiəçisi ''Sportinq'', ''İnter'', ''Vest Hem'', ''Lokomotiv''in şərəfini qoruyub. Ötən yay ''Benfika''ya transfer olunan Mario mövsüm ərzində 45 rəsmi oyuna çıxaraq 4 qol, 7 məhsuldar ötürmə ilə yadda qalıb.