Pike irqçilik etdi, Hemiton cavab verdi
Sabiq “Formula-1” pilotu Nelson Pike yeddiqat dünya çempionu Lüis Hemilton haqda ehtiyatsız ifadə işlətməklə bir andaca idman dünyasını silkələyib.
69 yaşlı braziliyalı “Mersedes”in britaniyalı pilotu ilə “Red Bull”un piloti Maks Ferstappen arasında ötənilki Böyük Britaniya “Qran-pri”sində yaşanan toqquşmanı şərh edərkən “neqinyo” terminindən yararlanıb. Bu termin isə yaxın dostlar arasında işlədilməyəndə irqi təhqir sayılır.
“Formula-1”, “Mersedes” rəhbərliklərinin ardından Hemilton da Pikenin ifadəsinə cavab verib:
“Bu adi ifadədən daha artıqdı. Belə arxaik təfəkkür dəyişməlidi, bizim idmanda belə ifadələrə yer yoxdu. Həyatım boyunca belə baxışlar ilə əhatə olunmuşam. Nələrisə öyrənmək üçün yetərincə vaxtım olub. Artıq hərəkət etməyin vaxtıdı”.
“Formula-1” dünyasının bir başqa britaniyalısı, 1996-cı ilin çempionu Deymon Hill isə bu haqda yox, cari mövsümdəki titul uğrunda mübarizə ilə bağlı danışıb:
“Mənə elə gəlir ki, titul savaşı Ferstappenlə Lekler arasında gedəcək. Özü də mübarizənin yaşanması üçün Maks bir neçə dəfə büdrəməlidi. “Mersedes”in hansısa sehirli qərar tapacağını da istisna etmirəm. Ancaq tarixi tendensiyaları nəzərə alsaq, bütün əlamətlər adını çəkdiyim pilotların rəqabətindən xəbər verir. Ferstappenin xal fərqi böyük görünür, yalnız bir neçə uğursuzluq 50 xalı əridə bilər”.
Xatırladaq ki, hazırda Ferstappen 175 xalla şəxsi hesabda liderdi. 2-3-cü yerlərdə “Ferrari” pilotları – Serxio Pereslə (129) Şarl Lekler (126) qərarlaşıb.
Digər xəbərlər
