Srağagün AFFA-nın inzibati binasında Azərbaycan premyer-liqasının 2021/22 mövsümündə fərqlənən referi və referi köməkçisinə “Tofiq Bəhramov mükafatı” təqdim olunub.

Tədbirdə AFFA-nın baş katibi Sərxan Hacıyev, Hakimlər Komitəsinin sədri Frits Stuxlik və futbol veteranı Rüstəm Rəhimov iştirak edib.

Yazılı səsvermə nəticəsində “Tofiq Bəhramov mükafatı”na referi Elçin Məsiyev və referi köməkçisi Namik Hüseynov layiq görülüb. Mükafatın əsasnaməsinə uyğun həyata keçirilən səsvermədə PFL-in prezidenti, premyer-liqa klublarının baş məşqçisi və kapitanı, Hakimlər Komitəsinin və Futbol Hakimləri Birliyinin sədri iştirak edib. Xatırladaq ki, AFFA İcraiyyə Komitəsinin 29 yanvar 2021-ci il tarixli iclasında mövsüm ərzində fərqlənən hakimlərə təqdim olunması üçün “Tofiq Bəhramov mükafatı”nın təsis olunması barədə qərar qəbul olunub, komitənin 31 may 2021-ci il tarixli iclasında isə mükafatın əsasnaməsi təsdiqlənib.

Müstəqillik illərində ilk dəfə mövsümün sonunda fərqlənən ədalət təmsilçilərinə xüsusi mükafat təqdim olunur. Ancaq “Tofir Bəhramov mükafatı”nın son illər adından söz etdirən Əliyar Ağayevə yox, Frits Stuxlikin gəlişindən sonra üzə çıxan Elçin Məsiyevə təqdim olunması bir qədər gözlənilməzdi. Düzdü, laureatın səsvermə ilə müyyənləşdiyi, səsvermədə klubların baş məşqçiləri və kapitanlarının, həmçinin PFL prezidentinin iştirak etdiyi bildirilir. Ancaq yenə də Məsiyevin 2013-cü ildən sinəsində FİFA referisi loqosu gəzdirən, ali futbol qurumunun 1-ci kateqoriyalı hakimlər qrupunda yer alan Ağayevi qabaqlaması bir qədər müəmmalı görünür.

Məsələ ilə bağlı Veteranlar İttifaqının vitse-prezidenti, beynəxalq dərəcəli hakim, srağagünkü mükafatlandırma mərasimində iştirak edən Rüstəm Rəhimovla əlaqə saxladıq:

“Tofiq Bəhramov mükafatı” mövsüm ərzində özünü yaxşı tərəfdən göstərən hakimlərə təqdim olunur. Bu dəfə mükafat baş hakimlər arasında Elçin Məsiyevə, laysmanlardan isə Namik Hüseynova təqdim olundu. Mükafatçılar səsvermə yolu ilə müyyənləşib. Bəli, mən komissiyanın rəhbəriyəm. Ancaq səsvermənin nəticələri ilə tanış deyiləm. Mənə, sadəcə, yekun nəticə təqdim olunub və deyilib ki, bu referilər səsvermə sayəsində qalib olublar”.


Səsvermənin nəticəsinin mükafatı təqdim edən komisiyanın rəhbərinə təqdim olunmaması gülməlidi. Səsvermə şəffaf olubsa, niyə nəticə Rüstəm bəyə təqdim olunmayıb? Ümumiyyətlə, yaxşı olardı ki, kimin kimə səs verdiyi ictimaiyyətə açıqlanardı. Bu da maliyyə sirri deyil ki, AFFA rəhbərliyi onu gizli saxlasın.

AFFA-nın Mətbuat və İctimaiyyətlə Əlaqələr Departamentinin rəhbəri Firuz Abdulla isə məsələ ilə bağlı bunları söylədi:

“Əsasnamədə də qeyd olunub ki, səsvermənin nəticəsi gizli qalmalıdı. Bu üzdən kimin kimə səs verdiyinin ictimaiyyətə açıqlanmaması normaldı. Səsvermənin nəticəsi Hakim və Hakim-İnspektorlar Departamentindədi”.


RƏŞAD

Son xəbərlər

PSV-nin futbolçusu premyer-liqa klubunun hədəfində

MY Kasemiro transferini açıqladı

Beyli "Marsel" yolunda

"Vilyarreal"da ayrılıq

"Fiorentina"da yeni müqavilə

Tuxel və Kontenin cəzaları müəyyənləşdi

"İnter" PSJ-nin təklifini rədd etdi

"Brayton"da yeni müqavilə

MY Antoni transferində israrlıdı

Ndombelenin yeni klubu müəyyənləşdi

Autsayderlərin matçında iki qol - VİDEO

"Komanda olaraq oyundan-oyuna artıracağıq" - Vüqar Əsgərli

"Daha yaxşı nəticə əldə edə bilərdik" - Mahmud Qurbanov

"Kəpəz"in iki futbolçusu "Qəbələ" ilə görüşü buraxacaq

"Çelsi" Obameyanqa təklif göndərəcək

Şamaxıda bərabərlik - YENİLƏNİB

Yamayka millisinin forvardı "Qalatasaray"a keçə bilər

"Viktoriya" - "Qarabağ" matçına əlavə biletlər satışa çıxarıldı

19 yaşlı müdafiəçi rəsmən "Çelsi"də

"Qarabağ"in Çexiyaya səfər tarixi açıqlandı

Mayk Tayson əlil arabasında - FOTOLAR

"Pis dönəmlər keçirdim, ancaq vəziyyətdən çıxa bildim" - Suares

Daha 1 il "Bavariya"da qala bilər

İki idmançımız Avropa çempionatının finalında

Ançelotti Kazemironun "Mançester Yunayted"ə keçidini istəmir

Ronaldo ten Haqın işindən narazıdı

"Barselona" "Vilyareal"ın futbolçusu ilə razılaşdı

"Bu nəticə bizə revanş üçün əla şans verir" - "Viktoriya"nın futbolçusu

“Xocalı”nın direktoru valideyndən 3000 manat tələb edir

Medianın İnkişafı Agentliyi media subyektlərinə müraciət etdi

"Real"ın futbolçusu "Mançester Yunayted"də

Millimizin üzvü "Neftçi"də

Daha bir klub Ronaldonu istəmədi

Premyer-liqada 3-cü turun təyinatları açıqlandı

Patrik Andrade "Partizan"da ilk qolunu vurdu

PSJ Neymar və Mbappeyə xəbərdarlıq etdi

Bu divizion klubunun ev oyunlarına giriş pullu olacaq

AFFA Region Liqası klubları üçün tender elan etdi

Millimizin sabiq üzvü Almaniya klubunda

“Atletiko”nun mövsümöncəsi toplanışı cəhənnəm əzabıdı

Ronaldo artıq Ten Haqı da bezdirib

Mendinin qeyri-adi seks macəraları

İtaliyadan İngiltərəyə yollandı

Ramos Mbappe ilə Neymarı barışdırdı

Tribunalar doldu-daşdı, qələbə bizdən uzaq qaçdı - YAZI

Bütün xəbərlər