Xavi Ernandes Usman Dembeleyə görə yaman əl-ayağa düşüb.

“Barselona”nın baş məşqçisi onun komandada qalması üçün bütün mümkün vasitələrdən istifadə edir.

“Diario Sport”un məlumatına görə, Xavi Dembelnin meneceri ilə klub nümayəndələrini görüşdürmək üçün tətilini yarımçıq qoyub. 42 yaşlı mütəxəssis futbolçunu “Barselona”nın təklif etdiyi yeni müqavilənin şərtlərini qəbul etməyə inandırmaq istəyir. Deyilənə görə, Usman “Barselona” ilə müqaviləni digər klubların təklifindən daha sərfəli olmayan şərtlərlə yeniləməyə hazırdı. Amma bu da var ki, rəhbərliyin son son təklifi də onu qane etmir.

25 yaşlı yarımmüdafiəçinin hazırkı müqaviləsinin müddəti iyunun sonuna qədərdi. Başqa sözlə, Usman iyulun 1-də sərbəst futbolçu statusu qazanacaq.