Hələ bir neçə ay əvvəl Usman Dembelenin “Barselona”nı yayda azad agent imi tərk edəcəyi böyük ölçüdə məlum olmuşdu.

Lakin indi vəziyyət 180 dərəcə dəyişib. Fransız futbolçu klubu ilə müqaviləsini yeniləməyə çox yaxındı. “As” qəzetinin məlumatına görə, Dembele rəhbərliyin ötən ilin dekabrından rədd etdiyi təkliflərini qəbul etməyə razılaşıb. O, artıq Xavi Ernandesə zəng edərək ondan prezident Xuan Laporta ilə danışıqlar aparmağı xahiş edib. Baş məşqçi klubun Dembeleyə yeni təklif etməyəcəyini bildirib. Futbolçu bunu nəzərə alaraq komandada qalmaq istəsə, əvvəllər ona təklif olunan şərtləri qəbul etməli olacaq.