FIFA milli komandaların yeni reytinq cədvəlini açıqlayıb.

"Football-plus.az" qurumun saytına istinadən xəbər verir ki, Azərbaycan yığması burda mövqeyini dəyişib. Millinin xal hesabı dəyişməsə də, Antiqua və Barbudanın xeyli geriləməsi 1 addım irəliləməyə səbəb olub. Canni de Byazinin komandası hazırda 1127 əmsalla 128-cidi. Yığmamız Latviya (129) və Toqonu qabaqlayır.

Millətlər Liqasındakı rəqiblərimizdən Qazaxıstan ən çox irəliləyişə nail olan ikinci komandadı. 10 pillə yüksələn qazaxlar 115-ci pillədə qərarlaşıb. Slovakiya 51-ci, Belarus isə 96-cı sırada qərarlaşıb.