''Dəbdəbəli həyat mənlik deyil'' - Mane
Seneqalla son Afrika Millətlər Kubokunun qalibi olan ''Liverpul''un ulduzu Sadio Mane Fransanın ''Ekip'' nəşrinə maraqlı açıqlamalar verib.
Gördüyü ailə tərbiyəsi üzündən dəbdəbəli həyata marağının olmadığını bildirən Mane bunları deyib: ''Futbolda qazanılan şöhrətin sayəsində dəbdəbəli həyat tərzi keçirmək mənlik deyil. Bu, mənim ailəmdən gördüyüm tərbiyə ilə əlaqəli bir durumdu. Yanlış anlaşılmaq istəmirəm. Heç kimin həyat tərzini tənqid etmirəm. Sadəcə bu cür şeylərdən uzaq durmağa çalışıram. Şan-şöhrətdən asılı olmayaraq dəyişməmək və özün kimi qalmaq hər şeydən önəmlidi. Kiçik bir qəsəbədə böyüyüb məhşur futbolçuya çevrilən bir şəxs kimi əminliklə deyə bilərəm ki, bunu bacarmışam və özüm kimi qalmışam. Kriştiano Ronaldo ilə Neymarı sosial şəbəkələrdə təqib edirəm və bu, mənim üçün yetərlidi. Onlara böyük hörmətim var. İkisinin də mükəmməl həyatları var. Amma mən heç vaxt o cür yaşamağın arzusunda olmamışam. Bu cür həyat tərzi mənə uyğun deyil. Bundan sonrakı ən böyük arzum dünya çempionu olmaqdı. Hərçənd bunun üçün ilk növbədə mundiala vəsiqə qazanmaq lazımdı. Dəli arzular məni qorxutmur və Seneqalın DÇ-də uğuru bunlardan biridi. Bunu bacarsaq, artıq mən də ''Qızıl top''a iddia edən oyunçuların səviyyəsinə yüksələcəm''.
Digər xəbərlər
