Yeni mövsüm ərəfəsində “Sumqayıt” hələ ki transfer etməsə də, ötən mövsüm əsas heyətin əvəzolunmaz simalarını itirmək üzrədi.

Bir neçə gün öncə Rəhim Sadıxovla anlaşan “Sabah” “kimyaçılar”ın daha bir üzvünü “rənglərinə bağlayıb”. Söhbət Anatoli Nuriyevdən gedir.

“Fotball-plus.az” saytına daxil olan bilgiyə görə, yığmanın da şərəfini qoruyan yarımmüdafiəçi “tələbələr”in maliyyə baxımından cəlbedici təklifinin qarşısında duruş gətirməyi bacarmayıb və 2022/23 “futbol ili”ndə “Sabah”ın şərəfini qorumağa razılıq verib.

Qeyd edək ki, mövsüm başa çatandan sonra Bakı klubu “kimyaçılar”ın daha bir futbolçusu – Tellur Mütəllimovla da müqavilə bağlayıb.

RƏŞAD