Bu gün AFFA İcraiyyə Komitəsinin növbəti iclası keçiriləcək.

"Football-plus.az" xəbər verir ki, "Dalğa Arena"nın ərazisində yerləşən Milli Komandaların Məşq Mərkəzində təşkil olunacaq yığıncaq saat 17:00-da başlayacaq.

AFFA-nın rəsmi saytı bugünlərdə elan edib ki, iclada qurumun Yoxlama və Təftiş Komitəsinin Əsasnaməsinin müzakirə olunacaq, “Turan-Tovuz” və “Kəpəz” klublarının 2022/2023-cü il mövsümündə Azərbaycan Premyer Liqasında çıxış etməsi təsdiqlənəcək.

Bundan başqa, 2022/2023-cü il mövsümündə Azərbaycan Premyer Liqasında legioner limitinin və əvəzetmə sayı da müzakirəyə çıxarılacaq. Bununla bağlı yeni qərarın veriləcəyi istisna olunmur.

İclasda həmçinin İntizam Komitəsində vakant olan üzv vəzifəsinə yeni üzv təsdiq ediləcək. Eyni zamanda, futbol veteranlarına AFFA-nın təqaüdünün verilməsi və digər məsələlər müzakirə olunacaq.