“Liverpul”un çoxsaylı fanatlarından biri Tanya Henli mövsüm ərəfəsində sevimli komandasının bu il kvadrupl edəcəyinə, yəni 4 titul qazanacağına 100 funt qoydu.

Bu variantın əmsalı 3/671/1 idi, yəni kvadrupl baş tutsaydı, Tanya başgicəlləndirən məbləğ – 367 min 200 funt qazanacaqdı. “Liverpul”un Liqa kubokunu və İngiltərə kubokunu qazandığını, həmçinin Çempionlar Liqasının finalına çıxdığını, premyer-liqada isə “Siti”dən cəmi 1 xal geri qaldığını nəzərə alanda bu variantın gerçəkləşməsi heç də mümkünsüz görünmürdü. Ən maraqlısı budu ki, Tanya həyatında ilk dəfə futbola pul qoyurdu:

Premyer-liqada həlledici oyunlar bazar günü keçirildi. Şənbə günü isə maraqlı proseslər yaşanmağa başladı. Tanyanın pul qoyduğu bukmeker kontoru onunla əlaqə saxlayaraq “cash out” təklif etdi – yəni xanım bu mərcdən imtina edəcəyi halda, dərhal müəyyən məbləğ alacaqdə. Xanım azarkeş kontorun 22712 funtluq ilk təklifindən imtina etdi. Bazar günü, oyunun başlamasına artıq 30 dəqiqə qalanda kontor təklifi 35 min funta çatdırdı və yenə imtina eşitdi. Oyunun sonuna 20 dəqiqə qalmış “Mançester Siti” “Aston Villa”ya artıq 0:2 uduzurdu, “Liverpul”a isə çempionluq üçün yalnız bir qol lazım idi. Tanya kontorun 95 min funtluq üçüncü təklifini də rədd etdi. Axı arzusuna çox yaxın idi.

Bundan sonra nələrin baş verdiyini artıq hər kəs bilir. “Siti” qeyri-adi geridönüşlə çempionluğu qazandı və “Liverpul”un kvadrupl arzusunun üzərindən çalın-çarpaz xətt çəkdi. Elə Tanyanın xəyalları da puç oldu. Halbuki 100 funt müqabilində 95 min funt (202 min manat – red.) faktiki ovcunun içində idi. “Liverpul” sevgisi ona baha başa gəldi...

ORXAN