Srağagün AFFA-nın rəsmi saytı maraqlı xəbər paylaşdı.

Qurumun rəhbəri Rövnəq Abdullayev Azərbaycan futbolunun inkişafında xidmətlərinə görə Prezident İlham Əliyevin sərəncamı ilə “Şöhrət” ordeni ilə təltif olunan “Qarabağ”ın baş məşqçisi Qurban Qurbanova ali mükafatı təqdim etdi. Bu xəbəri “Futbol+”in “feysbuk” səhifəsində və qrupunda paylaşıb, izləyicilərimizə sadə bir sual ünvanladıq: “Sizcə, Qurban Qurbanovun uğurlarının sirri nədədi?” Yetərincə marağa səbəb olan suala sosial şəbəkə istifadəçiləri fərqli cavablar verdi. Onlardan diqqəti çəkən bir neçəsini təqdim edirik.

Abil Eliyev: ",Türkçülüyü”.

Balaga Zejnalov: “AFFA ora qarışmır, ona görə”.

Rustam Efendiyev: “Onun işinə korrupsionerlər qarışmır”.

Tosu Nuri: “Çünki kluba nə lazımdısa, hamısını Qurban müəllimin istəyinə uyğun edirlər. Daha “Neftçi”dəki kimi prezident pul tutmaq üçün məşqçinin xəbəri olmadan oyunçu alıb gətirmir”.

Ali İbrahimov: “Əlbəttə ki, komandanın maddi durumu. İndiki büdcə ilə “Səbail”lə “Keşlə” 10 il çempion olsalar, it kimi hürərəm”.

Zohrab Safarov: “Xan Lənkəran”ı çempionata buraxsınlar. Hər şey vicdanla olsa, ağ və qara bilinəcək”.

İsa Fexreddin oglu Abdullayev: “Çünki AFFA ora burnunu soxa bilmir”. Taleh Muradov: “Qarabağın 27 il işğalda qalması”.

Elcin Quliyev: “Azərsun” və dövlətin qayğısı”.
BeHappy Friend: “Ramin Musayev”.

Fuad Şərifov: “Ölkədə futbolun məhv edilməsi”.

Java Eladisoy: “Verin onu adı başqa olan kluba, baxaq uğurlarına”. Elman Eskerov: “Qalan 7 klubun maddi cəhətdən zəiflədilməsi. Demək olar ki, “Qəbələ” və “Neftçi”də maliyyə kasaddı”.

Samed Axundov: “Çempionatın zəif olması. Rəqabətin olmaması. Bölgə klublarının olmaması”.

Elvin Ehmedli: “Azərsun” və pul yeyintisi. Belə də ki, nə uğuru var?” Turab Namazov: “Qarabağ” rəhbərliyi vaxtilə Qurbanovu komandaya gətirəndə ona güvəndi, verdiyi qərarlarda dəstək oldu və ən əsası da zaman verdi. Qurbanovun işinə qarışmadı. Bir sözlə, adama sərbəst mühit yaratdı, peşəkar kollektiv formalaşdırmaq üçün. Qurban Qurbanov işinə peşəkar yanaşmaqla etimadı tam doğrultdu. Qurban bəyin yaratdığı komanda bir-iki ilin işi deyil. Başqa klublarda maliyyə fırıldağı baş verdiyi, pulların sağa-sola necə gəldi xərcləndiyi, tapşırıqla verilən qərarlar hökm sürdüyü bir vaxtda “Qarabağ” Qurban bəyin rəhbərliyi altında yavaş-yavaş qurulurdu. Sonda uzun illərin əməyinin nəticəsi olaraq indi müntəzəm avrokuboklarda çıxış edən, qrup mərhələsinə daim düşən, hətta Avropada təsnifat mərhələlərində əksər klubların qarşılaşmaq istəmədikləri bir “Qarabağ” var! Azərbaycan futbolunda bu qədər səriştəsiz, bacarıqsız idarəetmənin olduğu, futbolumuzun bərbad vəziyyətə salındığı bir dönəmdə, belə bir klub yaratmaq həqiqətən böyük işdi.
P.S: “Son müsahibəsində Qurban Qurbanov da Azərbaycan futbolunu yaxşı heç nə gözləmədiyini bildirib. İllərlə bu işin içində olan, peşəkarlığına şübhə etmədiyimiz bir məşqçinin dilindən bu sözləri eşitmək də ayrıca təəssüf doğurur. Adam futbolumuzun hazırda hansı vəziyyətdə olduğunu yaxşı bilir və gələcəklə bağlı, təəssüf ki, nikbin düşüncədə deyil”.

Sakit Gezalov: “Top-5” ölkələri çıxmaqla “Kayrat”, “Şerif”, “Dudelanj” kimi komandaları udub. “Bazel”i məğlub etmək lazım idi. Düzdü, həmin oyunda hakim səhvə yol verdi. Amma Azərbaycan daxilində əldə olunan nəticələr uğur sayıla bilər, kənarda yox!”

Elinagi Bakili: “Klubun adının “Qarabağ” olması səbəbdi”.

Ilham-Qebele Muradxanov: “Nə uğur qazanıb ki, məhəllə çempionatının qalibi olmaqdan başqa”?
Амираслан Мирзалиев: “Qurban Qurbanovun uğurlarının sirri onun halallığındadı”.

Rəvan Yaqubov: “Sirri çoxdu. Amma ən əsası az danışıb, çox işləməyidi”.