“Cəbrayıl” hansı stadionda oynayacaq? - AÇIQLAMA

Məlum olduğu kimi, UEFA Region Kubokunun 2022/23 mövsümünün ilkin mərhələsinin oyunları Azərbaycanda keçiriləcək.

Ölkəmizi bu turnirdə təmsil edəcək "Cəbrayıl" 2-ci qrupda Belarus komandası ilə qarşılaşacaq. 1-ci qrupda isə Gürcüstan, Qazaxıstan və Estoniya təmsilçiləri mübarizə aparacaq. Qrup qalibləri finalda növbəti mərhələyə vəsiqə qazanacaq komandanın adına aydınlıq gətirəcək. Qalib əsas mərhələdə Türkiyə, Portuqaliya və Finlandiya komandaları ilə üz-üzə gələcək.

Görəsən, iyunun 23-29-u aralığıda baş tutacaq oyunlara hansı stadionlar evsahibliyi edəcək? Bu haqda məlumat almaq üçün AFFA-nın Uşaq və Gənclər üzrə Yarışların Təşkili Şöbəsinin müdiri Yusif Vəliyevlə əlaqə saxladıq. Onun sözlərinə görə, 1-ci qrupun oyunları “ASK Arena”da keçiriləcək. “Cəbrayıl”ın bütün görüşləri isə Şamaxı şəhər stadionunda baş tutacaq. Yusif Vəliyev həmçinin final görüşünün də Şamaxıda baş tutacağını diqqətə çatdırdı.

ŞAİR ABDULLA