Sabiq niderlandlı futbolçu Murad Lamrabatte faciəvi şəkildə dünyasını dəyişib.

Hadisə İspaniyanın Malqrats adalarında baş verib. Lamrabatte bura həyat yoldaşı və iki uşağı ilə birlikdə tətilə gəlmişdi. Həyat yoldaşı ilə birlikdə bir gəmi icarəyə götürən 31 yaşlı sabiq futbolçu 25 metrlik qayalıqdan dənizə tullanmaq qərarına gəlib. O, bu zaman məsafəni düzgün hesablaya bilməyib və qayalığa çırpıldıqdan sonra suya düşüb. Bu anı telefonla videoya çəkən həyat yoldaşı isə ''Aman Tanrım'' deyərək qışqırmağa başlayıb. Onun cəsədi daha sonra dənizin 15 metr dərinliyində tapılıb.

Məlum olub ki, Lamrabattenin ölüm səbəbi heç də qayalıqlar olmayıb. O, dənizə düşərkən huşunu itirmiş vəziyətdə olduğundan suda boğularaq ölüb. ''Vitess'' sabiq oyunçusunun ölümü ilə bağlı başsağlığı mesajı yayınlayıb. Lamrabatte 2010/11 mövsümündə ''Vitess''lə bir neçə yoxlama oyununa çıxmış, hətta qol da vurmuşdu. Həmin mövsüm o, arnemlilərin U-23 komandası ilə ölkə çempionu olmuşdu.