Hamıya bəllidi ki, Azərbaycanda futbol matçlarında təhlükəsizliyi polis təmin edir.

Bu da bir çox hallarda problemlər yaradır. Açıq deyə bilərik ki, Azərbaycan polisi futbolu sevmir. Bunu hər cür isbat etmək də olar. Məsələn, İntizam Komitəsinin son iclasındakı qərarların bir neçəsinə diqqət yetirək. Aşağıdakıların hamısı 1-ci divizionun 24-cü turuna aiddi:

1-ci divizionda həftə ərzində cəmi 6 görüş keçirilir. Bu matçların da 4-də polis nümayəndəsi iclasa gecikib. Bu da 67 faiz edir. Sözsüz ki, 40 manat adı çəkilən klublar üçün ciddi məbləğ deyil. Amma axı İntizam Komitəsi dövlət qurumunun məsuliyyətsiz əməkdaşlarına görə klubları niyə cəzalandırmalıdı?

Ümumiyyətlə, nə üçün Azərbaycanda futbol matçlarında təhlükəsizliyi polis təmin etməlidi? Hər klubun özünün stuardları olsa, daha yaxşı olar. Təklif edirəm ki, Lisenziyalaşdırma Qrupu həm premyer-liqada, həm də 1-ci divizionda çıxış etmək istəyən klublardan “Təhlükəsizlik Xidməti”nin yaradılmasını tələb etsin. Stuardlar da bu qurumun tərkibində olsun. Ya da federasiya özü bir şirkət yaratsın ki, premyer-liqa və 1-ci divizion matçlarında onlar təhlükəsizliyi təmin etsinlər.

Çünki Azərbaycan polisi futbolu sevmir. Qarşılaşmalarda azarkeşlərə mane olurlar, vəzifələrindən sui-istifadə edib jurnalistlərin işini çətinləşdirirlər. Xidmətdə olduğu ərazinin rəisinin təyinatı ilə məcburi oyuna göndərilən şəxs, təbii ki, futbolu da sevməyəcək, iclasa da gecikəcək...

İLKİN SULTANLI