Rodriqonu hətta Pele də təbrik etdi
''Real''ın ''Mançester Siti''ni 3:1 hesabı ilə məğlub etdiyi dramatik qarşılaşmada 2 qol vuraraq qəhrəmana çevrilən braziliyalı Rodriqonu hətta dünyaca ünlü həmyerlisi Pele də təbrik edib.
Futbol kralı sosial şəbəkədə öz səhifəsində bunları yazıb:
''Dostum, səni təbrik edəcəyim günün gələcəyini hər zaman bilirdim. Çox çalışan və işini ürəkdən sevən insan üçün başqa yol yoxdu. Sən hələ bizə çox sevinclər yaşadacaqsan. Təbriklər ''Real''! Finalı izləmək üçün indidən səbirsizlənirəm''. Rodriqo isə Pelenin sözlərinə belə cavab yazıb: ''Sözlərin üçün təşəkkür edirəm, Kral. Nəsihətlərini heç vaxt unutmayacam. Sənə sonsuza qədər minnətdaram''.
İspaniya mətbuatının yazdığına görə, Pele öz istedadlı həmyerlisini hələ onun ''Santos''da oynadığı dönəmdən izləyir və hər fürsətdəcə dəstək verir.
Digər xəbərlər
