“Oyunun yalnız 19-20-ci dəqiqəsinə qədər şərh edə bilərəm. Qol buraxsaq da, həmin ana qədər inamlı oynadıq".

"Footbal-plus.az" xəbər verir ki, bu sözləri “Sumqayıt”ın baş məşqçisi Aleksey Baqa Azərbaycan Premyer Liqasının XXV turunda “Neftçi”yə 0:2 hesabı ilə məğlub olduqları oyun barədə danışarkən deyib.

Baş məşqçi həmçinin ilk 20 dəqiqədən sonra oyunda bir neçə dəyişikliklər etsələr də, ötənilki çempiona qarşı 10 nəfərlə nəsə etməyin çətin olduğunu vurğulayıb.

Aleksey Baqa daha sonra azarkeşlərin hakimdən narazı qalmalarına da münasibət bildirib:

"Azarkeşləri də başa düşmək olar. Komanda uduzanda hakimi, məni və ya başqalarını günahlandıra bilərlər. Amma bugünkü hakimliklə bağlı irad yoxdur. Matçı peşəkar səviyyədə idarə etdi. Qırmızı vərəqə olan epizoda baxmadım".