Hemilton niyə liderlər sırasında deyil?
“Formula-1” üzrə dünya çempionatının cari mövsümündə hələ yalnız 4 mərhələ arxada qalıb. Amma mövsümün favoritlərindən biri – britaniyalı Lüis Hemilton artıq “ağ bayraq qaldırmağa” hazırdı.
Yeddiqat dünya çempionu və “Mersedes” nəhəng texniki problemlərlə üzləşib, indi onların əvvəlki dominantlığını yada salan yoxdu. “Emiliya-Romanya” mərhələsində yalnız 13-cü yeri tutan Hemilton ötən mövsümdəki əsas rəqibi Maks Ferstappendən bir dövrə geri qaldı. Hazırda liderdən 58 geri qalan Lüis 7-ci pillədə qərarlaşıb. İrəlidə, demək olar ki, tam mövsümün qaldığını nəzərə alsaq, bu heç də öldürücü fərq deyil. Ancaq belə görünür ki, britaniyalı artıq ambisiyalarının üzərindən xətt çəkib. Mövsümdə ilk dəfə 1 xal da qazanmayan Hemiltonun açıqlamasına baxaq:
“İtaliyadakı həftəsonunu tezliklə unutmaq istərdim. İnadla işi davam etdirəcəm, komanda ilə birgə əvvəlki sürətimizi qaytarmağa çalışırıq. Ancaq cari mövsümdə çempion titulu uğrunda mübarizədən kənarda qaldığımız dəqiqdi. Bu yöndə artıq heç bir şübhə yoxdu”.
[/quote]
Hemilton bu gün dünyanın ən təcrübəli pilotlarından biridi – artıq 15 mövsümü arxada qoyub. Poul, “Qran-pri”də qələbə sayında və bir çox başqa göstəricilərdə çoxlu rekord qırıb. Təbii ki, Mihael Şumaherin əbədi rekordunu da yeniləmək istəyir – indi ikisinin də hesabında 7 çempionluq var. Lüis ötən mövsüm son mərhələdə çempionluğu Ferstappenə “təhvil verməklə” böyuk şansı qaçırdı. Düzdü, mübahisəli hakim qərarlarını da qeyd etməliyik. “Mersedes” və Hemilton Beynəlxalq Avtomobil Federasıyasının mükafatlandırma mərasimini boykot etdi və yürüş direktoru Maykl Masinin istefasına nail oldu. Ancaq britaniyalı onu rekordçu edəcək titulu qaytara bilmədi, indi isə bütün “Mersedes” komandası çətin vəziyyətdədi – texniki reqlament dəyişəndən sonra maşın başqalarından geri qalır. İndi bolidi Lüisə üstünlük qazandırmaq əvəzinə “ayağından dartır”. Ötən illərdə britaniyalının dəfələrlə ittiham edirdilər ki, onun rekordları ilk növbədə mühəndislərin uğurudu. Və indi Hemiltonun əlinə dahi pilot olduğunu sübut etmək imkanı düşüb.
İtaliyadakı mərhələdən sonra “Mersedes”in rəhbəri Tofo Volf rəqabətədavamlı maşınları olmadığına görə Hemiltondan üzr istədi:
“Lüis, bağışla ki, bu maşını sürməli oldun. Maşının idarəolunmazlığını bilirəm. Bu sənin haqq etdiyin maşın deyil. Lüis yox, maşın pis formadadı. Lüis dünyanın ən yaxşı pilotu olsa da, indi bunu sübut etmək üçün imkanı yoxdu. Tarixdə belə ağır dövrlərin öhdəsindən gələn çoxlu pilot olub. Lüis problemin həlli üçün komanda ilə birgə əlindən gələni edir”.
Düzdü, Volf tezliklə bu üzrxahlığa görə də izahat verməli oldu. Çünki “Mersedes”in sabiq pilotu Niko Rosberq komandanın rəhbərinin sözlərinin psixoloji oyundan başqa bir şey olmadığını dedi, axı Hemiltonun gənc tərəfdaşı Corc Rassell eyni maşında finişə 4-cü çatıb. Deməli, problem təkcə texnikada deyil, Lüis də “artırmalıdı”. Volfun Rosberqə cavabı:
“Lüis komandaya yardım etməyə, adamları qələbəyə kökləməyə çalışır. Birlikdə pis və yaxşı günlərdən keçmişik. İndi qara zolaqdayıq. Fundamental problem budu ki, maşınlarımız rəqiblərlə müqayisədə “delfinləşmədən” (bolidin düz yolda delfinlərin davranışına oxşar tərzdə arzuolunmaz silkələnməsi – red.) ciddi əziyyət çəkir. Bu üzdən optimal göstəricilərə çata bilmirik. “Delfinləşmənin” öhdəsindən gəlsək, xeyli “artırmağımız” mümkündü. Yox, bunun öhdəsindən gələ bilməsək, onda maşını yenidən yığmalıyıq. Hələ ki “az qan” ilə problemi həll etməyə çalışırıq”.
“Mersedes”in son uğursuzluqları fonunda artıq 37 yaşı olan Hemiltonun 8-ci dəfə çempion olmaq arzusunu başqa komandanın heyətində gerçəkləşdirə biləcəyi ilə bağlı şayiələr gəzir. Amma britaniyalı belə gümanlara çox sərt yanaşır:
“Axmaq şayiələrdi, boş söhbətdi. 13 yaşımdan “Mersedes”dəyəm, birlikdə gözəl anlar – eniş-yoxuşlar yaşamışıq. Komandaya 100 faiz sadiqəm, getmək istədiyim elə bir yer yoxdu”.
[quote]
Hemilton bu gün dünyanın ən təcrübəli pilotlarından biridi – artıq 15 mövsümü arxada qoyub. Poul, “Qran-pri”də qələbə sayında və bir çox başqa göstəricilərdə çoxlu rekord qırıb. Təbii ki, Mihael Şumaherin əbədi rekordunu da yeniləmək istəyir – indi ikisinin də hesabında 7 çempionluq var. Lüis ötən mövsüm son mərhələdə çempionluğu Ferstappenə “təhvil verməklə” böyuk şansı qaçırdı. Düzdü, mübahisəli hakim qərarlarını da qeyd etməliyik. “Mersedes” və Hemilton Beynəlxalq Avtomobil Federasıyasının mükafatlandırma mərasimini boykot etdi və yürüş direktoru Maykl Masinin istefasına nail oldu. Ancaq britaniyalı onu rekordçu edəcək titulu qaytara bilmədi, indi isə bütün “Mersedes” komandası çətin vəziyyətdədi – texniki reqlament dəyişəndən sonra maşın başqalarından geri qalır. İndi bolidi Lüisə üstünlük qazandırmaq əvəzinə “ayağından dartır”. Ötən illərdə britaniyalının dəfələrlə ittiham edirdilər ki, onun rekordları ilk növbədə mühəndislərin uğurudu. Və indi Hemiltonun əlinə dahi pilot olduğunu sübut etmək imkanı düşüb.
İtaliyadakı mərhələdən sonra “Mersedes”in rəhbəri Tofo Volf rəqabətədavamlı maşınları olmadığına görə Hemiltondan üzr istədi:
“Lüis, bağışla ki, bu maşını sürməli oldun. Maşının idarəolunmazlığını bilirəm. Bu sənin haqq etdiyin maşın deyil. Lüis yox, maşın pis formadadı. Lüis dünyanın ən yaxşı pilotu olsa da, indi bunu sübut etmək üçün imkanı yoxdu. Tarixdə belə ağır dövrlərin öhdəsindən gələn çoxlu pilot olub. Lüis problemin həlli üçün komanda ilə birgə əlindən gələni edir”.
Düzdü, Volf tezliklə bu üzrxahlığa görə də izahat verməli oldu. Çünki “Mersedes”in sabiq pilotu Niko Rosberq komandanın rəhbərinin sözlərinin psixoloji oyundan başqa bir şey olmadığını dedi, axı Hemiltonun gənc tərəfdaşı Corc Rassell eyni maşında finişə 4-cü çatıb. Deməli, problem təkcə texnikada deyil, Lüis də “artırmalıdı”. Volfun Rosberqə cavabı:
“Lüis komandaya yardım etməyə, adamları qələbəyə kökləməyə çalışır. Birlikdə pis və yaxşı günlərdən keçmişik. İndi qara zolaqdayıq. Fundamental problem budu ki, maşınlarımız rəqiblərlə müqayisədə “delfinləşmədən” (bolidin düz yolda delfinlərin davranışına oxşar tərzdə arzuolunmaz silkələnməsi – red.) ciddi əziyyət çəkir. Bu üzdən optimal göstəricilərə çata bilmirik. “Delfinləşmənin” öhdəsindən gəlsək, xeyli “artırmağımız” mümkündü. Yox, bunun öhdəsindən gələ bilməsək, onda maşını yenidən yığmalıyıq. Hələ ki “az qan” ilə problemi həll etməyə çalışırıq”.
“Mersedes”in son uğursuzluqları fonunda artıq 37 yaşı olan Hemiltonun 8-ci dəfə çempion olmaq arzusunu başqa komandanın heyətində gerçəkləşdirə biləcəyi ilə bağlı şayiələr gəzir. Amma britaniyalı belə gümanlara çox sərt yanaşır:
“Axmaq şayiələrdi, boş söhbətdi. 13 yaşımdan “Mersedes”dəyəm, birlikdə gözəl anlar – eniş-yoxuşlar yaşamışıq. Komandaya 100 faiz sadiqəm, getmək istədiyim elə bir yer yoxdu”.
[quote]
