Əmrah Çəlikəl: “Hər anımıza şükür edirik” - AÇIQLAMA
Bu gün “Qarabağ”ın uğurlarında pay sahibi olan Əmrah Çəlikəlin doğum günüdü.
Ağdam təmsilçisinin baş direktorunun 47 yaşı tamam olur. Ömrünün 24 ilini Azərbaycanda keçirən klub rəsmisi ilə əlaqə saxlayıb doğum gününü təbrik etdik. Xoş günü ilə bağlı “Football-plus.az” saytına açıqlama verən Çəlikəl həyatın hər anının onun üçün xüsusi olduğunu dilə gətirdi:“Bu gün 47-ci ad günümdü. Bu müddətin 24 ilini Azərbaycanda keçirmişəm. Demək olar ki, ömrümün yarısı burda keçib. Bu gün sizin kimi çoxlu dostlar təbrik edib. Onların diqqəti məni çox sevindirir. Sizə də buna görə ayrıca təşəkkür edirəm. Əlbəttə, 3 gün öncə “Qarabağ”ın çempionluq mükafatının təqdim edilməsi bizim üçün ayrıca sevincdi. Düşünürəm ki, məsuliyyətimiz daha da artdı. Bunun öhdəsindən layiqincə gələcəyimizə ümid edirəm. Ömrümün hər anı mənim üçün xoşbəxtlikdi. Əlbəttə, xüsusi və çox sevincli günlərimiz olub. Kədərləndiyimiz məqamlar da var. Amma həmişə dostlarımızın əhatəsində olmuşuq. Bu səbəbdən də hər anımıza şükür edirik”.
“Qarabağ”ın rəsmisi səhətində yaranan problem haqda da danışdı:“Allaha şükür ki, hər şey yaxşıdı. İşimin başındayam. Kiçik əməliyyat keçirmişdim. Hazırda hər şey qaydasındadı və özümü yaxşı hiss edirəm”.
İLKİN SULTANLI
Digər xəbərlər
