AFFA-dan nazirə şikayət edildi - AÇIQLAMA
Ötən gün redaksiyamızla əlaqə saxlayan Bakı Kəndlər Futbol Federasiyasının prezidenti Vaqif Davudov gənclər və idman naziri Fərid Qayıbovla görüşü və AFFA-da baş verən proselərlə bağlı danışmaq istədiyini bildirdi.
Biz də ona tribuna verməyi qərara aldıq. Təcrübəli futbol adamını dinləyək:
“AFFA-da yanvarda keçirilən konfransda BKFF-nin RFF-yə daimi üzv kimi qəbulu ilə bağlı məsələ müzakirə olundu. Rövnəq Abdullayev həmin konfransda Bakı Futbol Federasiyası ilə BKFF-nin birləşərək fəaliyyətinə davam etməsini dedi. Konfransda iştirak edən İcraiyyə Komitəsinin üzvləri qeyd edə bilərdilər ki, BFF-nin fəaliyyəti yoxdu. Mənə AFFA-dan bildirildi ki, bu məsələyə RFF-nin növbəti konfransında aydınlıq gətiriləcək. Məni o konfransa dəvət etdilər. Həmin konfransda birinci məsələ İsgəndər Cavadovun yenidən 4 il müddətində prezident seçilməsi oldu. Konfransda ümumilikdə 7 nümayəndə, tanıdıqlarımdan Sumqayıt, Mingəçevir və BFF-nin nümayəndələri iştirak edirdi. Konfransı həvəskarlar liqasının baş katibi Füzuli Nəcəfov aparırdı. Federasiyamın RFF-yə qəbulu ilə bağlı Qarabağ və Mingəçevir bölgəsinin federasiya nümayəndəsi buna ehtiyac olmadığını və maddi çətinlik yarada biləcəyini dedi. BFF-nin nümayəndəsi Mahir Süleymanov isə başqalarından fərqli “BKFF-nin özünəməxsus nizamnaməsi var. Onlarla uyğunlaşa bilmərik” dedi. Qalan şəxslər irad və təklif bildirmədilər. Füzuli Nəcəfov mənə söz verdi. Ona dedim ki, mənim sayəmdə irəli getmisən və o da bunu qəbul etdi. Həmçinin bildirdim ki, mənə qarşı bilərəkdən təbliğat aparırsız. Bakı şəhərində ən fəal federasiya BKFF-di. BKFF-nin RFF-yə qəbul olunması sizi də qane etmir. Cavadov futbol veteranı kimi həmişə BKFF tərəfindən mükafatlarla təltif olunub, dəstəklənib. Maliyyə cəhətdən çətinlik çəkdiyi zamanlarda BKFF rəhbərliyi kömək edib. Nəcəfov mənim sayəmdə üç yerdən qazanc əldə edir. Bilərəkdən belə edirlər ki, komandalar mənim yarışlarımda iştirak etməsin, Nəcəfovun həvəskarlar liqasında oynasın. Ancaq AFFA-nın vitse-prezidenti Elxan Məmmədov təklif etdi ki, birləşmə olmasın və həvəskarlar liqası apreldə öz yarışını keçirsin. Nəcəfov mənim yarışımda iştirak etmək istəyən komandaları öz turnirinə cəlb edir. Kimə yaxşılıq etmişəmsə, indi mənə badalaq atır”.
Davudov nəticə etibarı ilə RFF-yə qəbul edilmədiklərini dedi: “BKFF hər il 8 yarış keçirir. Federasiyamda 3 əməkdar məşqçi, 1 beynəlxalq dərəcəli hakim, 1 respublika dərəcəli hakim çalışır. Bütün futbol ictimaiyyətinə bəllidi ki, AFFA-dan sonra BKFF ən fəal federasiyadı. Konfransda Maşallah Əhmədov, İsgəndər Cavadov və Asif Əliyevə dedim ki, AFFA zəhməti olanları qiymətləndirir, siz də çalışsaz, üzərinizə düşən vəzifələrinizi layiqincə yerinə yetirsəz, dəyərləndirilərdiz. Konfransın nəticəsi kimi RFF-yə qəbul edilmədim”.
Davudov nəticə etibarı ilə RFF-yə qəbul edilmədiklərini dedi: “BKFF hər il 8 yarış keçirir. Federasiyamda 3 əməkdar məşqçi, 1 beynəlxalq dərəcəli hakim, 1 respublika dərəcəli hakim çalışır. Bütün futbol ictimaiyyətinə bəllidi ki, AFFA-dan sonra BKFF ən fəal federasiyadı. Konfransda Maşallah Əhmədov, İsgəndər Cavadov və Asif Əliyevə dedim ki, AFFA zəhməti olanları qiymətləndirir, siz də çalışsaz, üzərinizə düşən vəzifələrinizi layiqincə yerinə yetirsəz, dəyərləndirilərdiz. Konfransın nəticəsi kimi RFF-yə qəbul edilmədim”.
Vaqif bəy Fərid Qayıbovla görüşdüyünü də diqqətimizə çatdırdı:
“Gənclər və idman naziri ilə görüşümüz oldu. Orda BKFF-nin inkişafı, yarışların keçirilməsi, Bakı şəhər Gənclər və İdman Baş İdarəsinin təlimatı ilə idman idarələrinin yarışlarımızda fəal iştirakı, gənclərin vaxtını səmərəli təşkil etmək, fiziki və hərbi hazırlıq, kütləvi futbolun inkişafı məsələləri müzakirə olundu. Nazir sənədlər istədi və hüquqşünasa göstəriş verdi ki, BKFF-yə qarşı haqsızlıqlar araşdırılsın. Bir neçə günə cavablandırılacağını bildirdi. 28 ildi Gənclər və İdman Nazirliyində təmənnasız aparıcı futbol mütəxəssisi kimi çalışıram. Amma bəziləri maddi qazancı düşündükləri üçün işləmir. Bakıda yeganə adamam ki, təmənnasız yarış keçirirəm və bunu hər kəs bilir. Vaxtilə AFFA-nın yaradılmasında mənim də rolum olmuşdu. AFFA rəhbərliyi zəhməti olanlar üçün əlindən gələni edir. Yusif Məmmədəliyevə, Fərid Qayıbova, nazirliyin nümayəndələrinə minnətdarlığımı bildirirəm. Cənab Prezidentin idmanla bağlı göstərişlərini nəzərə alaraq işlərimi layiqincə yerinə yetirirəm”.
SƏNƏM FƏRHADOVA
Digər xəbərlər
