AFFA İntizam Komitəsinin rəhbəri Erkin Hüseynovun “Football-plus.az” saytın verdiyi - "Azərbaycan premyer-liqasının, kubokunun, 1-ci divizionunun Əsasnaməsinin 29.30-cu maddəsinə görə, azarkeşlər görüş əsnasında plakat qaldırmaq istəyirlərsə, oyunöncəsi, fasilədə, matçdan sonra görüləcək tədbirlərlə bağlı PFL-ə müraciət etmək lazımdı. Bir də ki, Azərbaycan əlifbasında ş hərfi var. Həmin pankartdakı isə dollar işarəsidi. Ümumiyyətlə, buna görə də cəza düşür" açıqlamanı nəzərə alıb...

Peşəkar Futbol Liqasının prezidenti cənab Ramin Musayevə Üzümlü kəndində yaşayan Sunami Tufanoğlu tərəfindən

Ərizə

Yazıb Sizə bildirmək istəyirəm ki, illərdi azarkeşi olduğum “Çaxırçəkənlər” komandası həftəiçi “Samaqonçəkənlər” komandası ilə üz-üə gələcək. Artıq 6 aydan çoxdu ki, “Çaxırçəkənlər” qələbə üzünə həsrətdi və bu səbəbdən biz azarkeşlər də çox dilxoruq. İstəyirik “Samaqonçəkənlər”lə oyunda tribunada plakat açaq. Plakatda yığmanın baş məşqçisi Canni De Byazi demişkən, komandanın qorxaq və cəsarətsiz futbolçularına və baş məşqçisinə bir-iki tərif söyləmək niyyətimiz var. Nəyə inanırsız ona and içirəm, söz veriərəm ki, plakatda nə avro, nə dollar, nəd rubl şəkli olacaq. Olsa-olsa, Vladimir Putinin Ukraynaya hərbi müdaxiləsini pisləyən bir-iki söz, ABŞ prezidenti Co Baydenin sonuncu çıxışından bəzi fikirlər, Fransada keçirilən prezident seçkisinin ikinci turunun nəticələri barədə hazırkı prezident Emmanuel Makronun çıxışından müəyyən məqamları qeyd edəcəyik. Sizi əmin edirəm ki, plakatda azarkeşlik etdiyimiz “Çaxırçəkənlər”in futbolçuları, baş məşqçisi barədə heç nə yazılmayacaq. Plakat qaldırmaq istəyimizi nəzərə alıb, buna icazə verməyinizi xahiş edirəm.

P.S. Ramin müəllim, xahiş edirəm ərizənin üstünü tez yazın ki, işimiz bilək. Oyunun baş tutmasına iki gün qalıb.

RƏŞAD