Braziliyalı yarımmüdafiəçi bu haqda Çempionlar Liqasının 1/4 finalının “Atletiko” ilə cavab oyunundan əvvəl keçirilən mətbuat konfransında açıqlama verib:
“Gələn mövsüm “Mançester Siti”də olmayacağam. Mən oynamaq və müntəzəm oyun praktikası qazanmaq istəyirəm. Braziliyaya qayıdacağam. Bu qərarı ailəmlə birlikdə vermişəm”.
Fernandinyo İngiltərə klubunda 2013-cü ildən oynayır. 36 yaşlı yarımmüdafiəçi “Siti”dən əvvəl 8 il “Şaxtyor”un formasını geyib. Onun peşəkar karyerasının ilk 3 ilini vətənində - “Atletiko Paranaense”də keçirdiyini də xatırladaq.
