Rusiyanın Ukraynaya hərbi hücumu daha bir idmançının ölümünə səbəb olub...

Ukraynalı məşqçi Viktor Tkaçuk müharibədə həlak olub. Yerli mənbələrin yaydığı xəbərdə 53 yaşlı mütəxəssisin Mariupolda dünyasını dəyişdiyi bildirilib. Yerli əhaliyə kömək etmək üçün şəhəri tərk etməyən Tkaçuk rus əsgərlərinin snayper gülləsinə tuş gəlib. Qonşuları onu öz evinin həyətində torpağa tapşırıblar...

Tkaçuk “Şaxtyor”un akademiyasında işləyirdi. Xatırladaq ki, müharibənin ilk günlərində Donetsk klubunun akademiyasında çalışan daha bir mütəxəssis həlak olmuşdu.