Rumıniya çempionatının son turunda oynanılan ''Farul'' - ''Arceş'' matçının ardından maraqlı hadisə yaşandı.


'Farul''un 2:0 hesabı ilə qalib gəldiyi oyunun ardından bu komandanın baş məşqçisi George Haci mətbuat konfransına qatıldı. Amma əfsanəvi futbol adamı mətbuat konfransına çox az sayda jurnalistin gəldiyini görərək əsəbləşdi və bu duruma etiraz etdi. Bunu özünə qarşı hörmətsizlik kimi dəyərləndirən Haci ''bu nədi belə? Bu cür mətbuat konfransı olmur. Bu düzgün deyil. Gəldim, təşəkkür edirəm və ayrılıram'' deyərək məkanı tərk etdi.

Stadionun çıxışında onu gözləyən futbolsevərlərə imza paylayan Haci həmin an bir qrup jurnalistin bu olayı görüntüləmək üçün ora yaxınlaşdığını görərək yenə özündən çıxdı. O ''bayaq harda idiz? Indi niyə gəlirsiz? Aramızdakı hörməti itirməyin'' deyərək media nümayəndələrinə sərt etirazını bildirdi.